XAMAR WAA MAGAALO MADAXDII UMMADDA SOOMAALIYEED KANA MUG WEYN MAAMUL GOBOLEED..

ummadda soomaaliyeed meelkasta oo ay joogaan waxaa qalbigooda ku qoran gundhigna u ah magaalo madaxdooda,waana magaalo ay kusoo hirato soomaali oo dhan waxaase jira in dad soomaaliyeed ilaa hada la feer ordayaan u sameynta qaab maamul goboleed waana wax aan u qalmin ummadda soomaaliyeed,

magaalo madaxda meeqaankeedu waa ka duwan yahay tan maamul goboleedyada loogu talo galey iney habka dowladiga ah ee federaalku si wadda siman u gaaro,magaalo madaxda waxaa fadhiya oo ay tahay xarruntii dowlada federaalka soomaaliya sidaas darteed magaalo ma yeelan karto labba maamul,

waxaa jirta in hada maamulka hiirshabeele ay u suxulo duubayaan in banaadir lasiiyo maamul goboleed waase riyo khaldan,waxaana leeyahay yaan wax lasyku khaldin hadii maamulka hiirshabeele ay doonayaan maamul goboleed ay wax ka dhisaan wax haka dhiseen maamulka khaatumo soomaaliya oo hadda u baahan hiil iyo hooba.

waxaan isla raadineynaa ummadda soomaaliyeed laakiin laguma jira maamul isugu faan iyo anaga reer hebel ah ayaa maamulo badan.mana aha xaqiiqdu wax laga gaban karo,

magaalo madaxdu waa magaalo madaxdii soomaalida xijaabatey,soomaalida nool iyo kuwa dhallan doonaba,ummadda soomaaliyeed marnaba ogolaan meyso maamul gooni ah oo loo sameeyo magaalo madaxda soomaaliyeed,

hadii ay arintu mareyso maamul ayaa maamul kale garab istaagey oo wax ka sameeyey wali waxaa harsan sameynta maamulo kale iyo raadinta soomaali weyn waana arin ay mudan tahay inaan u istaagno,waajibna nagu ah hadii aan soomaali nahay anagoo ka weyn sheegashada qabiil,nin xigsi,qayb dhul soomaaliyeed xigsi,

waxaan kusoo rafaadney kuna hagaasney dagaal sokeeye waxaan hadda ku jirnaa dagaal diimeed dhibta ummadda soomaaliyeed dhaqanka u noqotey ee wadata rafaadka nololeed waa in aan ka baxnaa raadinaana soomaaliya oo nabbad ah wanaagsan qurxoon kuna noolaan karno jiilaalka soo socdaana naga dhaxli karaan sida dhaqanka u ah ummad kasta oo addiuunkan ku nool.

AMIN MUSSE.

Afhayeenka ummadda soomaaliyeed.

HAMBALYO GALMUDUG SOOMAALIYA.

waxaan halkan uga hambalyeynayaa shacabka soomaaliyeed ee galmudug doorshada madaxweynaha cusub ee Ahmed duaale geele xaaf,

galmudug waa maamul soomaaliyeed waxaana qirayaa in shacabka soomaaliyeed ee galmudug uu ka mid yahay qaybka soomaaliyeed ee ay ka go an tahay soomaalinimadu,waana goboladii looga istaagey raadinta xornimada ummaddeenu maanta haysato sida qaybo badan oo dalkeena ah,

waxaa jirta in burcad diimeedku khalkhalweyn galiyeen maamulka galmudug ayna kusoo jeediyeen indhaha ummadda soomaaliyeed ilaa lakala garan waayey yaa soomaali doon ah yaase soomaali diid ah,waxaan ula jeedaa alshabaab waxay jaanis iyo fursad ku heshey maamulka iyo shacabka soomaaliyeed ee galmudug soomaali doonkana ah,

xukuumadihii soo marey dalka oo awoodoodu tabar yareyd iyo xuniftan soo jireen ah kana dhexeeyey galmudug iyo puntland ayaa wuxuu sabeyey in galmudug noqoto meel ay iska qasto iskana abaabusho alshabaab,

maanta waa wax lagu xarfo in maamumulka galmudug ee soomaaliya uu meel iska saaro lana dagaalamo alshabaab kana adkaado,

waxaan shacabka soomaaliyeed ee galmudug ugu baaqayaa iney wax ka raadiyaan soomaaliya oo fiican ayna noqdaan maamul soomaaliyi kusoo hiran karto,waxna ka ilaaliyaan hab isu socodka ummadda soomaaliyeed maadaama galmudug ay ku taal wadnihii laysugu marayey ama isku xirayey dalkeena.layskana ilaawo wixii dadkeena soo marey rafaadshey ee uu saldhiga u ahaa qabiilku,maanta soomaalinimada ayaa ka weyn waxkasta oo ummadda soomaaliyeed kala tirsaneysey,waayo waxaan ogaaney in soomaaliyi walaao tahay laakiin cadow qarsooni isku daadiyey dhiigooda waana wax aan mar naba aanu fileyn iney soo marto ummadda soomaaliyeed.garsshana noogu filan.

shacabka somaaliyeed ee galmudug siiba dhalinyarada waxaan ugu baaqayaa iney wax ka ilaaliyaan nabbdgalyada kuna daba faylaan maamulka iyo madaxda galmudug,kana leexdaan wixii nabadda wax u dhimaya,xoogana saraan ku xirnaanta dalakeena iyo dadkeena idtiisa kale waayo far kaliya fool ma dhaqdo.

madaxda cusub ee galmudug waxaan leeyahay nin xil qaadey eed qaad sidaas darteed waxa meesha yalaa waa shacab iyo dal bur bursan una baahan waxqabad iyo ka qabashada alshabaab,maanta waxa ifaya waa ileyskii ummadda soomaaliyeed sidaas adrteed u horseeda shacabka soomaaliyeed ee galmudug,waxaan mar kale leeyahay ha noolaato soomaaliya hana israacdo soomaaliya.

AMIN MUSSE.

Afhayeenka ummadda soomaaliyeed.